නෝටන්බ්‍රිජ් 04 කණුව ප්‍රදේශයේ පදිංචි 13 හැවිරිදි පාසල් සිසුවියක් දුෂණය කළේ යැයි කියන සිද්ධියට සම්බන්ධ සැකකරුවෙකු ඊයේ (30) පස්වරුවේ නෝටන්බ්‍රිජ් පොලීසිය විසින් අත්අඩංගුවට ගෙන තිබේ.
එම සැකකරු මීට පෙරද 09 හැවිරිදි පාසල් දැරියක් අපයෝජනය කර ප්‍රදේශයෙන් පළාගොස් වසර 10ක පමණ කාලයක් මාවනැල්ල ප්‍රදේශයේ සැඟව සිටින අතරතුර අත්අඩංගුවට ගෙන අධිකරණයට ඉදිරිපත් කිරීමෙන් පසු මාස 05ක් රක්ෂිත බන්ධනාගාර ගතකර සිට දැඩි ඇප කොන්දේසි මත මුදාහැර ඇති බව නෝටන්බ්‍රිජ් පොලීසිය පවසයි.
හැටන් මහෙස්ත්‍රාත් අධිකරණයේ නියෝගයක් මත ඊයේ (30) පොලීසිය වෙත අත්සන් කිරීමට පැමිණ තිබූ එම සැකකරු පසුව ඔහුගේ ඇපයට අත්සන් කළ සොහොයුරියකගේ නිවසට ගොස් ඇයගේ දියණියද දුෂණය කර ප්‍රදේශයෙන් පළාගොස් ඇත.
දූෂණයට ලක්වූ දැරියගේ මව විසින් කරන ලද පැමිණිල්ලක් මත සැකකරු අත්අඩංගුවට ගෙන තිබුණු අතර දුෂණයට ලක්වූ බව කියන පාසල් සිසුවිය දික්ඔය මූලික රෝහල වෙත ඇතුළත් කර ඇත.
සැකකරු නෝටන්බ්‍රිජ් ප්‍රදේශයේම පදිංචි 29 හැවිරිදි පුද්ගලයෙකි.
සැකකරු හැටන් මහෙස්ත්‍රාත් අධිකරණය වෙත ඉදිරිපත් කරන බව නෝටන්බ්‍රිජ් පොලීසිය ප්‍රකාශ කරයි.
0 Comments