දකුණු අප්‍රිකානු කණ්ඩායම ලකුණු 7කින් පරාජයට පත්කරමින් අවුරුදු 17කට පසු විස්සයි විස්ස ක්‍රිකට් ලෝක කුසලානය හිමිකරගැනීමට ඉන්දීය කණ්ඩායමට ඊයෙ (29) වාසනාව හිමි විය.
බාබෙඩෝස් හි පැවති මෙම තරගයේ කාසියේ වාසිය දිනා ගත් ඉන්දියාව පළමුවෙන් පන්දුවට පහරදීමට තීරණය කළේය.
දකුණු අප්‍රිකා පන්දු යවන්නන් විසින් පිටියට පිවිසි ඉන්දීය කණ්ඩායමට ලකුණු 34ක් තුළ මුල් කඩුලු 3ක් දවා ගනිමින් දැඩි අභියෝගයක් එල්ල කළ අත විරාත් කෝලි ලකුණු 76ක් රැස් කරගනිමින් සිය පිත්ත ක්‍රියාත්මක කළේ ඉන්දීය ඉනිම ඔසවා තබමිනි.
අක්ෂා පටෙල් ලකුණු 47ක් සහ ෂිවම් ඩුබේ ලකුණු 27ක් රැස් කළ අතර ඉන්දීය කන්ඩායම පන්දුවාර 20 අවසානයේ කඩුලු 7ක් දැවී ලකුණු 176ක් රැස් කිරීමට සමත්විය.
ලකුණු 177ක ඉලක්කයක් හඹාගිය දකුණු අප්‍රිකානු ඉනිම වෙනුවෙන් හෙන්රික් ක්ලාසන් ලකුණු 52ක් සහ ක්වින්ටන් ඩි කොක් ලකුණු 39ක් බැගින් රැස්කළ අතර පන්දුවාර 20 අවසානයේ කඩුලු 8ක් දැවී ලකුණු 169ක් රැස්කරගත හැකි විය.
බාබෙඩෝස් අග්‍රාමාත්‍යවරිය සහ කොදෙව් හිටපු සුපිරි ක්‍රීඩක ක්‍රිස් ගේල් විසින් මෙවර විස්සයි විස්ස ලෝක කුසලාන ශූරයින්ට පිරිනැමෙන කුසලානය ක්‍රීඩාංගණය වෙත රැගෙන ආවේය.
.
.
0 Comments