වැඩිපුර ගෙවූ විශ්‍රාම වැටුප්

ගම්පහ දිස්ත්‍රික්කයේ ප්‍රාදේශීය ලේකම් කාර්යාල 13ක 2023/12/31 වන විට විශ්‍රාම වැටුප් ලබමින් සිටි විශ්‍රාමික පුද්ගලයින් 419 දෙනෙකු හට රුපියල් කෝටි 4කට අධික මුදලක් වැඩිපුර ගෙවා ඇති බව අනාවරණය වී ඇත.

ගම්පහ දිස්ත්‍රික් ලේකම් කාර්යාලයේ පසුගිය වසරවල විගණකාධිපති වාර්තා සහ වර්තමාන කාර්ය සාධනය පරීක්ෂා කිරීම සඳහා රජයේ ගිණුම් පිළිබඳ කාරක සභාව පසුගියදා පාර්ලිමේන්තුව රැස් වූ අවස්ථාවේදී මෙම තොරතුරු අනාවරණය වී තිබූ අතර විශ්‍රාම වැටුප් ගෙවීමේදී සිදුවන අක්‍රමිකතා සහ ගැටලු හඳුනාගෙන ඒවා ඉක්මනින් විසඳීමට කටයුතු කරන ලෙස කාරක සභාව විසින් නිලධාරීන්ට උපදෙස් ලබා දී තිබේ.