දකුණු අප්‍රිකාව පළමු වරට අවසන් මහා තරගයට

2024 පන්දුවාර විස්සයි විස්ස ලෝක කුසලාන ක්‍රිකට් තරගාවලියේ අවසන් පූර්ව වටයේ දකුණු අප්‍රිකාව සහ ඇෆ්ගනිස්තානය අතර පැවති තරගයෙන් දකුණු අප්‍රිකාව කඩුලු 9ක ජයක් ලබාගැනීමට සමත්විය.

තරගයේ පළමුවෙන් පන්දුවට පහරදුන් ඇෆ්ගනිස්තාන කණ්ඩායම පන්දුවාර 11යි පන්දු 5ක් අවසානයේ සියලුදෙනා දැවී ලකුණු 56ක් රැස් කළේය.

එහිදී ඇෆ්ගනිස්තාන ඉනිම වෙනුවෙන් Azmatullah Omarzai ලකුණු 10ක් රැස් කළ අතර එම කණ්ඩායමේ වැඩිම ලකුණු ප්‍රමාණයක් ලබාගත් පිතිකරුවාද ඔහු විය.

ලකුණු 57ක ඉලක්කයක් හඹා යෑම ඇරඹු දකුණු අප්‍රිකානු පිතිකරුවන්ට පන්දුවාර 8යි පන්දු 5ක් තුළ එක් කඩුල්ලක් දැවී ලකුණු 60ක් ලබා ගනිමින් සිය ජයග්‍රහණය ඉතිහාසගත කළේය.

අවසන් වටයට සුදුසුකම් ලබාගැනීමට දකුණු අප්‍රිකානු කණ්ඩායමට වාසනාව හිමි විය.