තඹුත්තේගම හොර නෝට්ටු මුද්‍රණාලය

ව්‍යාජ මුදල් නෝට්ටු මුද්‍රණය කළ සැකකරුවන් තිදෙනෙක් තඹුත්තේගම පොලීසිය විසින් අත්අඩංගුවට ගෙන ඇත.

නොච්චියාගම ප්‍රදේශයේ පදිංචි 17 හැවිරිදි තරුණයෙක් පසුගිය 25 වන දින රුපියල් 500 ව්‍යාජ මුදල් නෝට්ටු 6ක් ළඟ තබාගැනීම හේතුවෙන් අත්අඩංගුවට ගත් බව පොලීසිය පවසයි.

සැකකරුගෙන් සිදුකළ වැඩිදුර ප්‍රශ්න කිරීම්වලදී ව්‍යාජ නෝට්ටු ළඟ තබාගෙන සිටි තවත් සැකකරුවන් තිදෙනෙක් ඊයේ (26) අත්අඩංගුවට ගෙන තිබේ.

සැකකරුවන් සතුව තිබී ව්‍යාජ රුපියල් 5,000 මුදල් නෝට්ටු 8ක්, ව්‍යාජ රුපියල් 500 නෝට්ටු 149ක් සහ ව්‍යාජ මුදල් මුද්‍රණය කිරීම සදහා යොදාගත් මුද්‍රණ යන්ත්‍රයක් සහ ලැප්ටොප් පරිගණකයක් පොලීසිය භාරයට ගෙන ඇත.

අත්අඩංගුවට ගත් සැකකරුවන් වයස අවුරුදු 17,49 හා 54 යන වයස්වල පසුවන හෙට්ටිපොල ප්‍රදේශයේ පදිංචිකරුවන් වන අතර වැඩිදුර විමර්ශන තඹුත්තේගම පොලීසිය විසින් සිදුකරනු ලබයි