කොම්පඤ්ඤවීදියේ පිහිටි මහල් 70කින් යුත් අල්ටෙයාර් සුඛෝපභෝගී මහල් නිවාස සංකීර්ණයේ 67 වැනි මහලෙන් ඇද වැටී වයස අවුරුදු 15ක ගැහැනු ළමයෙකු සහ පිරිමි ළමයෙකු ඊයේ (02) රාත්‍රියේ මියයෑම සම්බන්ධයෙන් මේ වනවිට CCTV දර්ශන ඔස්සේ පරීක්ෂණ පවත්වන අතර පොලීසිය පවසන්නේ, මෙය සියදිවි නසාගැනීමක් බවට සැකපළ කරන බවයි.
කොළඹ ජාත්‍යන්තර පාසලක 10 වැනි ශ්‍රේණියේ එකම පන්තියේ ඉගෙනුම ලබමින් සිටි ඔවුන් දෙදෙනා අතර ප්‍රේම සබඳතාවක් පැවති බව පොලිස් පරීක්ෂණවලිදී අනාවරණය වී ඇත.
ඊයේ(02) පාසල අවසන් වී සුඛෝපභෝගී මහල් නිවාස සංකීර්ණයේ පස්වන මහලේ පිහිටි කායවර්ධන මධ්‍යස්ථානය වෙත පැමිණි ඔවුන්, එහිදී ඇඳුම් මාරුකර පාවහන් ගලවා ඔවුන්ගේ බෑගයන් ද එම ස්ථානයේ තබා කායවර්ධන මධ්‍යස්ථානයට පිටතින් ඇති තරප්පු පෙළ ඔස්සේ 67 වැනි මහලට ගොස් තිබේ.
අනතුරුව ඔවුන් එම මහළෙන් බිමට පැන සියදිවි නසාගන්නට ඇතැයි පොලීසිය සැකපළ කරයි.
ඔවුන්ගේ සිරුරු, එම නිවාස සංකීර්ණයේ 03 වන මහලේ සවිකර ඇති වායුසමීකරණ යන්ත්‍රවලට කැපී බරපතළ තුවාල තිබියදී සොයාගෙන තිබුණි
මියගිය සිසුවා වැල්ලවත්ත ප්‍රදේශයේ පදිංචිකරුවෙකු වන අතර සිසුවිය කැලණිය ප්‍රදේශයේ පදිංචිකාරිනියකි.
0 Comments