අධිකරණයට රැගෙන ආ රැඳවියන් දෙදෙනෙකු පළායයි

අද (28) වරකාපොළ තුල්හිරිය මහෙස්ත්‍රාත් අධිකරණයට කුරුවිට බන්ධනාගාරයේ රැඳවියන් දෙදෙනෙක් නීති කෘත්‍යක් සඳහා රැගෙන යමින් සිටියදී පළාගොස් තිබෙන බව වාර්තා වේ.

මෙම සැකකරුවන් මාංචු සමඟ පළාගොස් ඇති අතර ඔවුන් අවුරුදු 24 සහ 29 වයස්වල පසු වන බව සඳහන් වේ. ඔවුන් සොයා වරකාපොළ පොලීසිය විමර්ශන සිදුකරයි.

එක් සැකකරුවකු ගෝනපොළ පදිංචි රොෂාන් අසංක කන්දප්පා නමැති අයෙක් වන අතර අනෙක් සැකකරු හොරණ දවුලගලවත්ත පදිංචි ජේ.ඩී.චන්න ප්‍රබෝද නමැති අයෙකි.

මෙම සැකකරුවන්ට පැල්මඩුල්ල, අත්තනගල්ල, හොරණ සහ වරකාපොළ යන අධිකරණවල විශාල නඩු ප්‍රමාණයක් ඇති බව සඳහන් වේ.

සැකකරුවන් සේවීමේ විමර්ශන සඳහා පොලිස් සුනඛයින්ද සම්බන්ධ කර ගත් බව පොලීසිය ප්‍රකාශ කරයි.